საერთო რელიგიური სიწმინდეები და მისი გავლენა რეგიონულ უსაფრთხოებაზე

ანოტაცია

ებრაელები და არაბები საერთო სემიტური წარმომავლობის ხალხია. აბრაამი კი - მათი საერთო წინაპარია. აქედან გამომდინარე, მათ გააჩნიათ საერთო სიწმინდეები, რომელიც მათ შორის დავის უმთავრესი საგანია უკვე რამდენიმე წლის განმავლობაში. კონფლიქტის მოგვარება ამ ნიადაგზე ვერ ხერხდება, როგორც ებრაელები, ისე არაბები საერთო რელიგიურ სიწმინდეებზე თავიანთი ექსკლუზიური უფლებების აღიარებას ითხოვენ. ამ კონფლიქტში ჩართულია რეგიონს გარეთა ძალებიც, რაც პრობლემაც ახანგრძლივებს და უარყოფითად აისახება რეგიონულ უსაფრთხოებაზე. სხვა საერთო სიწმინდეებთან ერთად სერიოზულ დავას იერუსალიმი წარმოადგენს, რომელიც თავის დედაქალად მაიჩნია როგორც ისრაელს, ისე პალესტინას. აქვე აღსანიშნავია რომ, იერუსალიმი წმინდა ქალაქია როგორც იუდეველების, ისე მუსლიმებისათვისაც.
ბოლო პერიოდში, იერუსალიმის შესახებ აშშ-ს პოზიციამ სერიოზული პრობლემის წინაშე დააყენა ახლო აღმოსავლეთის უსაფრთხოების საკითხი. აშშ-სგან იერუსალიმის ისრაელის დედაქალაქად ცნობამ, არა მარტო პალესტინელების, არამედ მთლიანად მუსლიმური სამყაროს შეშფოთება გამოიწვია, რადგანაც, როგორც უკვე აღვნიშნეთ, ეს ქალაქი წმინდაა ორი ამ რელიგიის აღმსარებლისთვის. ამას ემატება ის ფაქტიც, რომ ამ ქალაქში არის საერთო რელიგიური - იუდეური და ისლამური სიწმინდეებიც.