ჩინეთი შანხაის თანამშრომლობის ორგანიზაციის ფარგლებში
DOI:
https://doi.org/10.61671/hos.6.2023.6781საკვანძო სიტყვები:
ორგანიზაცია, თანამშრომლობა, ჩინეთი, რეგიონი, ქვეყანა, კავშირიანოტაცია
შანხაის თანამშრომლობის ორგანიზაცია არის მთავრობათაშორისი საერთაშორისო ორგანიზაცია. იგი 22 წლის წინ შანხაიში დაარსდა. ამ ორგანიზაციის დამფუძნებლები არიან: ჩინეთი, რუსეთი, ყაზახეთი, ყირგიზეთი, ტაჯიკეთი და უზბეკეთი. მას შემდეგ შეუერთდნენ ინდოეთი, პაკისტანი და ირანი. ეს ქვეყნები არიან შანხაის თანამშრომლობის ორგანიზაციის მუდმივი წევრები.
გარდა ზემოთჩამოთვლილი მუდმივი წევრი ქვეყნებისა, შანხაის თანამშრომლობის ორგანიზაციაში არიან დამკვირვებლის სტატუსის მქონე სახელმწიფოები და ასევე ის ქვეყნები, რომელთაც დიალოგის პარტნიორები ეწოდებათ.
შანხაის თანამშრომლობის ორგანიზაციის ერთ-ერთი მთავარი წევრი ქვეყანა ჩინეთია, რომელიც არა მხოლოდ ამ ორგანიზაციის ფარგლებში, არამედ მსოფლიო მასშტაბითაც აქტიურობს. მისი აქტიურობა საკუთრივ ამ ორგანიზაციის ფარგლებში ყოველთვის გამორჩეული იყო. განსაკუთრებით აღსანიშნავია ჩინეთის აქტიურობის ზრდა რუსეთ-უკრაინის ომის მიმდინარეობის
პერიოდში. მას შემდეგ, რაც ჰააგის სასამართლომ შანხაის თანამშრომლობის ორგანიზაციის, ასევე ერთ-ერთი მნიშვნელოვანი
წევრი ქვეყნის - რუსეთის პრეზიდენტი დამნაშავედ ცნო, პირველი, ვინც ამ ქვეყანას ესტუმრა, ჩინეთის პრეზიდენტი იყო, რომელმაც მოსკოვში ჩაიტანა რუსეთსა და უკრაინის სამშვიდობო მოლაპარაკების 12 პუნქტიანი გეგმა. ამ ვიზიტით მკაფიოდ გაესვა ხაზი შანხაის თანამშრომლობის ორგანიზაციის, ამ ორი მნიშვნელოვანი წევრი ქვეყნის მოკავშირეობის სიმყარეს.
ამავე დროს ჩინეთი ცდილობს თავისი როლი გაზარდოს ახლო აღმოსავლეთის რეგიონშიც. მისი ამ პოლიტიკური მისწრაფებების მაჩვენებელია ის, რომ მისი შუამავლობით დიპლომატიური ურთიერთობა აღდგა შანხაის თანამშრომლობის ორგანიზაციის ერთ-ერთ წევრ ქვეყანას - ირანსა და საუდის არაბეთის შორის.
Downloads
ჩამოტვირთვები
გამოქვეყნებული
როგორ უნდა ციტირება
გამოცემა
სექცია
ლიცენზია
ეს ნამუშევარი ლიცენზირებულია Creative Commons Attribution-ShareAlike 4.0 საერთაშორისო ლიცენზიით .
