მემდუჰ შევქეთ ესენდალი (1883-1952) – „მადლიერების ყვავილი“

ანოტაცია

თურქული ლიტერატურის ერთ-ერთი გამოჩენილი მწერალი მემდუჰ შევქეთ ესენდალი დაიბადა 1883 წელს თურქეთში,  ქ.ჩორლუში. ახალგაზრდა ასაკში „თურქეთის პროგრესის გაერთიანებული საზოგადოების“ წევრი გახდა, სადაც მნიშვნელოვანი თანამდებობები ეკავა. იღებდა მონაწილეობას ანატოლიაში დაწყებულ ეროვნულ მოძრაობაში. ანკარის მთავრობის მივლინებით 1921 წლიდან ეწეოდა დიპლომატიურ სამსახურს ბაქოს, თეირანისა და ქაბულის საელჩოებში. თურქეთში დაბრუნების შემდეგ სტამბოლის საშუალო სკოლებში მასწავლებლად მუშაობდა. ესენდალი ელაზიქის და ბილეჩიქის დეპუტატი იყო. 1945 წლიდან პოლიტიკურ ცხოვრებას ჩამოშორდა და ლიტერატურის სამყაროში დაიმკვიდრა ადგილი. სხვადასხვა ჟურნალ-გაზეთებში გამოქვეყნდა მისი მოთხრობები. ესენდალის ნაწარმოებების მნიშვნელოვანი მახასიათებელია ნაზი, სადა, სუფთა თურქული ენა და წერის მარტივი სტილი. მწერალი 1952 წელს ანკარაში გარდაიცვალა. მის კალამს ეკუთვნის მოთხრობები: „მადლიერების ყვავილი“, „მანდილის ქვეშ“, „სერჟანტი ვეისელი“,„კალია“ „ჩვენი ნესიბე“... რომანი: „აიაშლი და მისი მოიჯარეები“