ჩრდილოატლანტიკური ხელშეკრულების ორგანიზაცია (ნატო) და საქართველოს ურთიერთობები, ავღანეთის სამშვიდობო მისია, პერსპექტივები გამოწვევები

ანოტაცია

საბჭოთა კავშირის დაშლისა და  საქართველოს  სუვერ­ენი­ტ­ე­ტის აღდგენის შემ­დეგ, 1991 წლიდან საქართველოს საგარეო პოლიტიკის ერთ-ერთ მთავარ პრიორიტეტს წარმოადგენს ნატ­ოში გაწევრიანება, ამ გზაზე საქართველომ არაერთი მნიშვ­ნელ­ოვანი ნაბიჯი გადადგა. საქართველო იზიარებს ნატოს ძირითად პრინციპებს, რომელიც ემყარება დემოკრატიას, ადამიანის თავი­სუ­ფლებასა და კანონის უზენაესობას. საქარ­თველოს ევროატლ­ანტიკური კურსის მიზანია, დაიცვას ქვეყნის უსაფრთხოება და სუვერენიტეტი, 1991 წლიდან საქართველომ არჩევანი გააკეთა და­ს­ა­ვლურ კურსზე, გეოპოლიტიკური მდებარეობიდან გამო­მ­დ­ინარე ქვეყნის სუვერენიტეტი, უსაფრ­თხ­ოება და ტერიტ­ორ­იული მთლიანობა სამწუხაროდ მუდამ საფრთხის წინაშე იდგა, სწორედ ამიტომ საქართველომ ქვეყნის უსაფრთხოების გარან­ტიების ძიება ევროა­ტლანტიკურ სივრცეში დაიწყო. საქართ­ვე­ლოს ძალზედ მნიშვნელოვანი ტერიტ­ორიული მდებარეობა აქვს რეგიონში, როგორც ევროპელი მოკავშირეებისათვის ისე აშშ-თვის, ჩვენი ქვეყანა წარმოადგენს მთავარ ხიდს ენერგო მატა­რე­ბელთათვის აღმ­ოსავლეთსა და დასავლეთს შორის. საქართ­ვე­ლოს ევროატლანტიკურ სივრცეში გაწე­ვრიანება მნიშვნელოვან როლს შეასრულებს  რუსეთის მხრიდან მოსალ­ოდნელი აგრ­ეს­იისგან თავდაცვისა და მისი ინტერესების დაბალანსების საქმ­ეში, ასევე ნატოს წევრობა საქართველოს დაეხმარება საერთ­აშორისო მასშტაბის დონის მქონე არან­აკლებ საშიში მოვლენის რადიკალური ისლამის აგრესიის მოგერიებაში.