არაბული ქალური განვითარების რომანის ზოგიერთი ასპექტი იმან ჰუმაიდანის რომანში „ველური თუთა“

ანოტაცია

სტატიაში გაანალიზებულია თანამედროვე ლიბანელი მწე­რ­ლის, იმან ჰუმაიდანის რომანი „ველური თუთა“ (2001). ჩვენი კვლევის მიზანს წარმოადგენს ამ რომანის განხილვა არაბ­ული ქალური განვითარების რომანის ჭრილში. ამისათვის მას ვადა­რებთ ორი არაბული რომანის სიუჟეტს და მათში წარმ­ოდ­გენილ თემატიკას. ეს რომანებია:  ემილი ნასრალლას „სექტე­მბრის ჩიტ­ები“ (1962) და სუმაია რამადანის „ნარცისის ფოთ­ლები“ (2001). შესაბამისად, კვლევა წარვმართეთ შედარებითი და შეპირის­პირ­ებითი მეთოდების გამოყენებით.

არაბული ქალური განვითარების რომანების მხოლოდ მცი­რე ნაწილია შესწავლილი. ჩვენი კვლევის აქტუალობაც იმაში მდგ­ომარეობს, რომ კვლევის საფუძველზე ვაჩვენოთ, რა პარ­ამე­ტრებით შეესაბამება „ველური თუთა“ არაბული ქალური განვი­თარების რომანის კრიტერიუმებს.