განათლების თანამედროვე რეფორმების გამოწვევები ჩინეთში

ანოტაცია

განათლების სისტემას ჩინეთში უაღრესად მნიშვნელოვანი ადგილი უჭირავს, ვინაიდან ის პიროვნული წარმატების, სოცი­ალური მობილობისა და ეროვნული განვითარების გასაღებად ითვლება. ჩინეთის განათლების სისტემა მუდმივად ადაპტი­რდებოდა ქვეყნის საჭიროებებისა და პოლიტიკის მიხედვით, შესაბამისად თანამედროვე ჩინეთში მთავრობა ცდილობს ფეხი აუწყოს ახალ გლობალურ გამოწვევებს და დიდ ინვესტიციებს დებს განათლებაში, ხელს უწყობს STEM-ის სფეროებს[1], ამკვი­დრებს ინოვაციებსა და მკაცრ აკადემიურ სტანდარტებს კვალი­ფიციური სამუშაო ძალის შესაქმნელად.

ამ სტატიის მიზანია, იკვლიოს თანამედროვე ჩინეთში მიმ­დინარე ძირითადი საგანმანათლებლო რეფორმები, კერძოდ ყუ­რ­ადღება გაამახვილოს, „ორმაგი შემცირების[2]“ (Ministry of Educ­ation of the People’s Republic of China., 2021) პოლიტიკაზე, პრო­ფე­სიული განათლების პოპულარიზაციის ხელშეწყობასა და ცი­ფ­­რული ტექნოლოგიების ინტეგრაციაზე საგანმანათლებლო სფ­ე­რ­ოში. აღნიშნული რეფორმები ასახავს ჩინეთის მთავრობის აღი­ა­რებას, რომ მომავალი ეკონომიკური კონკურენტუნა­რია­ნობა, ინ­ო­ვ­აციური შესაძლებლობები და სოციალური ერთ­ია­ნობა დამო­კი­დებულია უფრო დაბალანსებული, სამართლიანი და მომავ­ა­ლზე ორიენტირებული საგანმანათლებლო სისტემის შექმ­ნაზე. მზარდი სოციალური ზეწოლის, პროვინციებს შორის არსე­ბული უთანასწორობისა და შრომის ბაზრის ცვალებადი მდგომ­არეობის ფონზე, ჩინეთის მიდგომა რეფორმებისადმი ავ­ლ­ენს თამამ ამბ­იციას, რომ დღეს ჩინეთში განათლების ტრანს­ფორ­მა­ცია არ არის მხოლოდ მიმდინარე პრობლემებზე პასუხი, არა­მედ ეს არის სტრატეგიული გეგმა ქვეყნის მომავლის უზრ­უნვე­ლსა­ყოფად. ასე­ვე სტატია გვთავაზობს ყოვლისმომცველ ხედვას იმის შეს­ახებ, თუ როგორ ცდილობს ჩინეთი თავისი საგან­მანა­თლ­ე­ბლო ლანდშაფტის შეცვლას XXI საუკუნის მოთ­ხოვნების დასა­კმაყ­ოფილებლად, კერძოდ ტრადიციისა და ინოვ­აციის, ზე­წ­ოლისა და პროგრესის დაბალანსებით.

[1] STEM მოიცავს ოთხ მჭიდროდ დაკავშირებული სფეროს, როგორიცაა: მეცნიერება, ტექნოლოგიები, ინჟინერია და მათემატიკა.

[2] „ორმაგი შემცირების“ პოლიტიკა (双减政策) -  გულისხმობს დაწყებითი და საშუა­ლო სკოლის მოსწავლეებისთვის საშინაო დავალებების რაოდენობის შემცირებასა და  კერძო რეპეტიტორობის ინსტიტუტის შეზღუდვას.