კომპიუტერული გრაფიკის ტექნოლოგიების გამოყენება არქეოლოგიურ კვლევებში ჩათალჰოიუქის მაგალითზე

ანოტაცია

ჩათალჰოიუქში წლების განმავლობაში ჩატარებულმა არქ­ე­ო­ლოგიურმა  კვლევებმა ნეოლითური შენობების მონაცემების შე­სა­ხებ  დაფუძნებული ინტერპრეტაციები წარმოშვა. თანამ­ედ­რ­ოვე 3D ტექნოლოგიები საშუალებას გვაძლევს, ჩათალჰოიუქის მატერიალური კულტურა და უნიკალური ურბანული გარემოს შესახებ წარმოდგენა შევქმნათ მრავალმხრივ არქეოლოგიურ დი­სკურსში. სტატია მიზნად ისახავს 3D ტექნოლოგიების როლის გაშუქებას არქეოლოგიური მონაცემების გავრცელებისათვის. იგი განიხილავს ჩათალჰოიუქის ვირტუალური აღდგენის პრო­ექტებს, ამ ინიციატივების თეორიული საფუძვლებისა და შედ­ე­გების ჩვენებით. მოცემულია კიბერარქეოლოგიის მიდგომის გა­მ­ოყენება, რომლის ძირითადი კვლევითი მიზნები რეალურ დროში მონაცემთა სიმულაციების შექმნასა და მომხმარებლებსა და ვირტუალურ გარემოს შორის ურთიერთქმედებაში მდგ­ომა­რეობს. ეს ინიციატივები ორიენტირებული იყო გათხრების 3D  ვირტუალიზაციაზე და მონაცემთა ვირტუალური რეალობის პროგრამულ უზრუნველყოფაზე. მათ შორის Dig@IT პროგ­რა­მულ უზრუნველყოფაზე, რომელიც სპეციალურად ჩათა­ლჰ­ოი­უქისთვისაა შემუშავებული. მოკლედ, ნაშრომი დეტალურად გა­ნ­­იხილავს ჩათალჰოიუქში განხორციელებული პროექტების ფა­რ­­გლებში დასმულ კვლევით კითხვებსა და მიღებულ შედ­ეგებს და იმას, თუ როგორ განაპირობა  ამ შედეგებმა მრავ­ალ­ფე­როვანი ციფრული პროდუქციის მიღება 3D მონაცემთა კოლ­ექ­ციებისა და მოწინავე ვიზუალიზაციის სისტემის სახით.