პოსტ საბჭოთა სივრცის რევიზია და ზღვის სტრატეგია თანამედროვე ეტაპზე (შავი ზღვა)

ანოტაცია

სტატიაში გაანალიზებულია შავი ზღვის რეგიონის გეოპ­ო­ლიტიკური მდგომა­რეობა და უსაფრთხოების საკითხები მრავალ­მხრივი მეთოდოლოგიური მიდგომით. დოკუმენტური ანალიზის მეშვეობით განიხილება ისტორიული და თანამედროვე გეოპო­ლიტიკური თეორიები, ფაქტობრივი მონაცემები და საერთ­აშო­რ­ისო მოვლენები.

 კვლევა ეფუძნება საერთაშორისო წყაროების, პოლიტიკური ანგარიშებისა და აკადემიური ლიტერატურის გამოყენებას. განსა­კუ­თრებული ყურადღება დაეთმო პოსტსაბჭოთა პერიოდის დოკ­უმენტაციასა და რეგიონული კონფლიქტების კვლევას, როგო­რი­ცაა რუსეთის მიერ ყირიმის ანექსია და თურქეთის როლი შავ ზღვაზე.

სტრატეგიული ანალიზის ფარგლებში გამოყენებული იქნა ჰართლენდის და ზღვის ძალის თეორიები, რაც ხელს უწყობს შავი ზღვის სტრატეგიული მნიშვნელობის შეფასებას გლობალურ პო­ლ­იტიკურ პროცესებში. შედარებითი ანალიზით შესწავლ­ილია გეოპოლიტიკური აქტორების, როგორიცაა ნატო, რუსეთი და თუ­რ­ქეთი, სტრატეგიები.

კვლევის შედეგები ხაზს უსვამს შავი ზღვის რეგიონში მიმ­დ­ინარე მოვლენების გლობალურ მნიშვნელობას და რეგიონული უსაფრთხოების არქიტექტურაზე ზეგავ­ლენას.