ანასეულის ობსიდიანის გეოქიმიური ანალიზი და უძველესი ადამიანის მობილურობა დასავლეთ საქართველოში

ანოტაცია

სამხრეთ-დასავლეთ საქართველოში სხვადასხვა დროს ჩატარებული არქეოლოგიური გათხრების შედეგად ქვის ხანის მნიშვნელოვანი ძეგლები აღმოჩნდა, სადაც კაჟისა და ობსი­დი­ანის საინტერესო კოლექცია არის წარმოდგენილი. სამწუ­ხაროდ, ობსიდიანის წარმომავლობის საკითხი გაურკვევ­ელია. უკანა­სკნელ პერიოდში, ქართველი და ამერი­კელი მკვლ­ევარების მი­ერ ობსიდიანის არტეფაქტების წარმომავლობასთან დაკავშ­ირებით საყურადღებო ნაშრომები გამოქვეყნდა (Chkhatarashvili, Glascock 2022; Chkhatarashvili et al., 2024a,b; Chkhatarashvili et al., 2025a,b). წარმოდგენილი ნაშრომი ეხება ანასეული I-II ნეოლი­თურ ძეგლებზე აღმოჩენილი ობსიდიანის არტეფაქტებზე ჩატ­არ­­ებული გეოქიმიური ანალიზების შედეგებს. კვლევა ჩატარდა XRF მეთოდით მისურის უნივერსიტეტის რეაქტო­რული კვლ­ევის (MURR) არქეომეტრიის ლაბორატორიაში. ანალ­იზმა გამო­ავლინა ობსიდიანის მომარაგების ორი განსხვავებული წყარო, რაც კიდევ ერთხელ მიუთითებს, რომ კავკასიის რეგიონი უძვ­ელესი დროიდან ადამიანის მობილობისა და კონტაქტების აქტ­იური ზონა იყო.